Dagskrá | RÚV Sjónvarp (2024)

Danni tígur er þáttaröð sem kennir börnum að túlka tilfinningar sínar. Hvenær upplifa þau sorg, reiði og hvenær eru þau þakklát. Danni notar tónlist og syngur um það sem hann upplifir sem leyfir börnum að tileinka sér það frekar. Þátturinn er ætlaður leikskólabörnum og kennir tilfinningagreind og sjálfsvirðingu sem og virðingu fyrir öðrum.

Elías er ungur og áhugasamur björgunarbátur. Hann er ósvífinn, fjörugur og mikils metinn í heimabæ sínum. Vinir Elíasar skipta honum öllu máli og leggur hann í hvaða ævintýri sem er til þess að bjarga vinum sínum úr ógöngum.

Krúttlegir teiknimyndaþættir um litla hafbúa sem eru saman í bekk og elska að syngja og dansa. Kennarinn þeirra er hress gullfiskur sem kennir þeim ýmislegt um lífið og tilveruna.

Stærðfræðiofurhetjurnar Millý, Geó og Bó hjálpa krökkum að læra um tölur, form og mynstur.

Vinirnir Begga og Fress leika sér að tölum og leysa saman ýmsar þrautir og gátur.

Fallegir þættir um litla björninn Móa sem ferðast um allan heiminn á hjólinu sínu.

Hressir teiknimyndaþættir um ævintýri sjóræningjanna í Daufhöfn og Matthildi vinkonu þeirra. Byggðir á samnefndum bókum í þýðingu Braga Valdimars Skúlasonar.

Apinn Skotti og fíllinn Fló eru bestu vinir og bralla ýmislegt skemmtilegt í skóginum ásamt vinum sínum.

Páll býr með fjölskyldu sinni í notalegu bresku smáþorpi og lendir í ýmsum póstburðartengdum ævintýrum.

Skemmtilegir þættir um hugmyndaríku stúlkuna Kötu sem ferðast með fjólubláu kanínunni Mumma til ævintýraheimsins Mummaheims.

Glænýir þættir um óteljandi ævintýri Strumpanna og Kjartans galdrakarls sem fara hér á kostum í Strumpabæ.

Talsett teiknimynd frá 2019. Ljótubrúðurnar búa í Ljótabæ og una vel við sitt. Það breytist þegar nokkrar þeirra leggja í leiðangur og uppgötva annan bæ, Fullkomnabæ, þar sem allar brúðurnar eru fullkomnar. Fegurðin felst hins vegar ekki í útlitinu heldur því sem býr innra með þeim.

Leikin barnamynd frá 1992, gerð eftir sögu Herdísar Egilsdóttur. Myndin segir frá Rósu sem er fjögurra ára. Stuttu fyrir jól kemst hún að því að amma hennar ætlar að gefa henni nýja og glæsilega brúðu í jólagjöf og tekur í kjölfarið ákvörðun sem ásækir hana. Leikstjóri: Ari Kristinsson. Leikarar: Bergþóra Aradóttir, Elva Ósk Ólafsdóttir og Sigríður Hagalín.

Elly Vilhjálms var ein dáðasta dægurlagasöngkona þjóðarinnar um sína daga. Hún segir frá tónlistarferli sínum, flytur lög í suðrænum takti sem hún hafði mætur á og einnig nokkur þeirra laga sem hún söng og voru vinsæl á sjötta og sjöunda áratugnum. Umsjón og dagskrárgerð: Andrés Indriðason.

Íslensk heimildarmynd fyrir börn um 10 ára gamlan dreng, sem er áhugaklifrari. Hann æfir sig innandyra, en draumar hans rætast þegar hann fær tækifæri til að prófa alvöru klettaveggi og loks ísklifur. Mynd eftir Ægi J. Guðmundsson og Lindu Ásgeirsdóttur.

Helstu fréttir dagsins af innlendum og erlendum vettvangi. Alla daga, árið um kring.

Góð ráð og æfingar sem tilvalið er að gera heima. Íris Rut Garðarsdóttir sjúkraþjálfari hefur umsjón með leikfiminni.

Lifandi og fjölbreyttur þáttur um fréttir, menningu og dægurmál. Helstu fréttir dagsins eru krufðar og ljósi varpað á litríkt mannlíf um land allt. Umsjón: Baldvin Þór Bergsson, Bergsteinn Sigurðsson, Guðrún Sóley Gestsdóttir, Óðinn Svan Óðinsson, Sigríður Dögg Auðunsdóttir og Viktoría Hermannsdóttir.

Niðurstaða hins nýyfirstaðna leiðtogafundar Evrópuráðsins og staðan og horfur í Úkraínu eru umfjöllunarefni Kastljóss kvöldsins. Við ræðum við Þórdísi Kolbrúnu Reykfjörð Gylfadóttur utanríkisráðherra, sem lét af formennsku í ráðherranefnd Evrópuráðsins í dag, um fundinn sjálfan, hvort hann hafi staðist væntingar, hvað leiðir af því sem þar var ákveðið og hvort hann hafi raunverulega einhver áhrif.

Við fáum einnig til okkar tvo sérfræðinga í málefnum Úkraínu og varnarmálum til að ræða málefni Úkraínu, þá Val Gunnarsson og Friðrik Jónsson. Við spyrjum þá einnig hvaða þýðingu það hefur fyrir Úkraínu að leiðtogar Evrópuráðsríkja hafi samþykkt að gerð verði tjónaskrá vegna innrásar Rússa og að hafinn verði undirbúningur að stofnun sérstaks stríðsglæpadómstóls sem hafi það hlutverk að rétta yfir ríkjum vegna innrása í önnur ríki.

Spurningakeppni framhaldsskólanna frá 1990. Spyrill: Steinunn Sigurðardóttir. Dómari: Sonja B. Jónsdóttir. Umsjón: Sigrún Sigurðardóttir. Stjórn útsendingar: Sigurður Jónasson.

Að þessu sinni mætast lið Menntaskólans við Sund og Verslunarskóla Íslands. Lið Menntaskólans við Sund skipa Hrafnkell Kárason, Ármann Jakobsson og Sverrir Jakobsson. Lið Verslunarskóla Íslands skipa Ellert Bjarnason, Jón Helgi Hreiðarsson og Sigtryggur Klemenz Hjartar.

Spurningaþættir í stjórn Felix Bergssonar og dr. Gunna. Í þáttunum takast íslenskar hljómsveitir á í æsispennandi spurningaleik, þar sem gáfur og viska, ásamt snerpu, atgervi og heppni ráða niðurstöðunni - já og tónlistarhæfileikar. Sextán hljómsveitir taka þátt í keppninni að þessu sinni. Stjórn upptöku: Helgi Jóhannesson.

Valin myndskeið úr Landanum þar sem áhugaverðir staðir eru skoðaðir og merkilegir Íslendingar heimsóttir. Dagskrárgerð: Gísli Einarsson og Karl Sigtryggsson.

Það hefur lengi verið vitað að á fyrstu öldum Íslandsbyggðar var hér umfangsmikil járngerð úr mýrarrauða og hefur það verið staðfest með fornleifarannsóknum. Hins vegar hafa menn ekki verið vissir um hvernig nákvæmlega járnið var unnið. Til þess að komast að því hvaða aðferðir menn notuðu hér var blásið til tilraunahátíðar á Eiríksstöðum í Haukadal sumarið 2019 þar sem ýmsir vísindamenn prófuðu sig áfram.

Beinar útsendingar frá Bikarkeppni karla í fótbolta.

Bein útsending frá leik Þróttar og Breiðabliks í 16 liða úrslitum bikarkeppni karla í fótbolta.

Stutt kynningarmyndbönd um landvörslu á Íslandi.

Landverðir sinna gífurlega mikilvægu verkefni sem útverðir Íslenskrar náttúru. Þeir tína rusl, viðhalda göngustígum, bjóða gestum í fræðslugöngu, fylgjast með náttúru, aðstoða gesti í neyð og sinna miklum forvörnum á friðlýstum svæðum til að tryggja verndun náttúru og öryggi gesta svo fátt eitt sé nefnt.

Í Landvarðalífi í Lakagígum hittum við landvörðinn Benedikt Traustason. Svæðið er mosavaxið og því sérstaklega viðkvæmt og tekur landvarslan mið af því.

Abbe getur stöðvað tímann þegar hlutirnir ganga ekki upp eins og hann vill. Þegar foreldranir hlusta ekki, stóri bróðir er alveg sama og heimurinn er ósanngjarn þá hrópar Abbe STOPP og þá stöðvast allt. Nú er það hann sem ræður.

Naomi er mætt aftur með enn þá fleiri furðuverur frá öllum heimshornum. Hvað óargardýr ætli hræði hana núna?

Nýi heimilsfræðikennarinn hún Hrefna, fer með nemendur sína á matreiðsluferðalag um heiminn í allan vetur, þar sem við kynnumst hinum ótrúlegustu réttum frá ýmsum löndum.

Matráðsmeistarar eru:

Hrefna Hlynsdóttir

Emilía Dröfn Davíðsdótir

Garðar Eyberg Arason

Kría Burgess

Sigurður Hilmar Brynjólfsson

Í þessum þætti verður Spánn fyrir valinu og krakkarnir læra að elda spænska tortillu.

Íslensk tónlistarmyndbönd.

Helstu fréttir dagsins af innlendum og erlendum vettvangi. Alla daga, árið um kring.

Íþróttafréttir.

Veðurfréttir.

Heimildarþættir um fjölmenningu í íslensku samfélagi. Mannflóran er fjölbreyttari en nokkru sinni fyrr og þjóðarímyndin breytist með auknum fjölda fólks af erlendum uppruna. Ljósi er varpað á erfiðleikana sem fólk af erlendum uppruna mætir í íslensku samfélagi og fjallað um kosti fjölmenningar. Umsjón: Chanel Björk Sturludóttir.

Í þættinum er fjallað um sögu fjölmenningar á Íslandi. Ísland var lengi einsleitt samfélag en á síðustu árum hafa orðið miklar breytingar sem hafa leitt til aukinnar fjölmenningar.

Þættir um íslenska dægurtónlist. Tónlistarmenn koma í stutt viðtöl í Stúdíó RÚV og færa landsmönnum tónlist heim í stofu. Stjórn upptöku: Þór Freysson.

Umsjón: Sigurður Þorri Gunnarsson.

Kvikmynd frá 2004 í leikstjórn Friðriks Þórs Friðrikssonar. Jed og Chloe lifa einföldu lífi og eru hamingjusöm. Þegar köttur Chloe deyr missir hún sjónar á tilgangi lífsins. Jed er staðráðinn í að hjálpa kærustunni. Hann leitar uppi einstæðinginn Max eftir að hafa séð hann í sjónvarpsþætti því hann er fullviss um að Max geti hjálpað þeim að skilja tilgang lífsins. Aðalhlutverk: Gary Lewis, Martin Compston, Peter Capaldi og Guðrún María Bjarnadóttir.

Sannsöguleg kvikmynd með Reese Witherspoon í aðalhlutverki. Félagsráðgjafinn Carrie Davis tekur á móti súdönskum flóttamönnum við komu þeirra til Bandaríkjanna og gerir mun meira en ætlast er til við að aðstoða þá. Aðalhlutverk: Reese Witherspoon, Arnold Oceng og Ger Duany. Myndin er ekki við hæfi barna yngri en 12 ára.

Áttunda þáttaröð af þessum rómantísku gamanþáttum um pör sem tengjast innbyrðis í Manchester á Bretlandi. Leikarar: James Nesbitt, John Thomson, Fay Ripley, Robert Bathurst, Hermione Norris og Ceallach Spellman.